Smile Group @ F. T. H
أهلا وسهلا بك

فى منتدى اسره smile

Smile Group

the best group @ F.T.H

من روائع صلاح جاهين

استعرض الموضوع السابق استعرض الموضوع التالي اذهب الى الأسفل

من روائع صلاح جاهين

مُساهمة من طرف ???? في الأربعاء مارس 10, 2010 2:28 am

إنشـد يـا قلبـي غنــوتك للجـمـال

وارقص في صـدري من اليمين للشـمال

مـا هـوش بعيـد تفضـل لبكره سـعيد

ده كـل يـوم فيـه ألف ألف احتمـال............. وعجبي


شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل.......... وعجبي



يا نجم .. نورك ليه كده بيرتجف ؟
هو انت قنديل زيت ؟ أو تختلف
- أنا نجم عالي .. بس عالي قوي
و كل ما انظر تحت اخاف انحدف....... وعجبي



أنا شاب لكن عمرى ولا ألف عام
وحيد ولكن بين ضلوعى زحام
خايف ولكن خوفى منى أنا
أخرس ولكن قلبى مليان كلام........... وعجبي




أنا قلبى كان شخشيخة أصبح جرس
جلجلت به صحيوا الخدم والحرس
أنا المهرج .. قمتو ليه خفتو ليه
لاف إيدى سيف ولا تحت منى فرس..... وعجبي



ليه يا حبيبتى ما بينا دايماً سفر
ده البعد ذنب كبير لا يغتفر
ليه يا حبيبتى ما بينا دايماً بحور
أعدى بحر ألاقى غيره اتحفر...... وعجبي



أعرف عيون هى الجمال والحسن
واعرف عيون تاخد القلوب بالحضن
وعيون مخيفة وقاسية وعيون كتير
وباحس فيهم كلهم بالحزن....... وعجبي


وعجبييييييييييييي

????
زائر


الرجوع الى أعلى الصفحة اذهب الى الأسفل

رد: من روائع صلاح جاهين

مُساهمة من طرف yasmin hafez في السبت مارس 27, 2010 12:34 pm

عجبتنى كلمة من كلام الورق
النور شرق من بين حروفها وبرق
حبيت اشيلها فى قلبى قالت حرام
دة انا كل قلب دخلت فيه اتحرق
وعجبى
الله عليك بجد ياعمنا ياجاهين والله عليك ياناجى ع التوبيك الجامد دة


[]

yasmin hafez
الأخت الكبرى
الأخت الكبرى

عدد المساهمات : 109
نقاط : 191
تاريخ التسجيل : 28/01/2010
العمر : 24
الموقع : زعيمة التشرد الدولي

معاينة صفحة البيانات الشخصي للعضو http://smilawya.hooxs.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى