انا و البطيخ و قفاك

من طرف Abdo Alaa الجمعة أبريل 09, 2010 11:21 am

الحب
ذلك الشعور السهلبيسي الذي يزغزغ عقول البشر
و يهشك قلوبهم
مستمعينا لسه بنتكلم عن الحب وحلقتنا النهارده عن
(الاستهبال في الحب)
معاكم اسامه سمير علي نجوم fm مزيكا علي كيف كيفك
في.. انا و البطيخ و قفاك
من دلوقتي ولمدة ساعتين
مستنين تليفوناتكم علي 6066
او علي 8555022
او علي ايميل البرنامج
علي قفاك اتنيل راديو بروداكشن دوووت كوووم
برعاية ابليس كومباني و ان تاتش و كريمات زحلقها
موضوع حلقتنا النهاردة الاستهبال فى الحب
ياترى احنا بنعمل ايه ورد فعلنا بيكون ايه لما نقابل حد بيستهبل في الحب ..؟؟
وخصوصا اننا جيل موبايلات وانتوا عارفين ان انا عندي 21 سنة فحاسس بيكم و حاسس بمشاكل الجيل كلها ...

اولا
: الرصيد اللي بيخلص في يوم و انت لسه شاحن كارت ب 100 و تفضل تحرق في
دقايق علي حبيبتك و في الاخر لما الرصيد يقرب يخلص تقولها بحبك بحبك
اموووااااااااه
تقولك انت بتستهبل يا حبيبي اتلم لحد يشوفنا

و حبيبك اللي يجي في اوقات يعمل فيها عالم فلك و يقولك انا بقرا الكف
و يفضل يفعص في كف ايدك ولا كأنه شاف ايدين قبل كدا
و في الاخر تقوليله
انت بتستهبل ؟؟ حديشوفنا
و انتوا اساسا قاعدين في الشارع

مستمعينا مستني تليفوناتكم علي 6066
او علي 8555022
او علي ايميل البرنامج
علي قفاك ات نيل راديوبروداكشن دوووت كوووم
برعاية ابليس كومباني و ان تاتش و كريمات زحلقها يا مزحلقها

نستقبل اول اتصال تليفوني و نقول الوو
الوو
الووو
الووووو
واضح ان الخط قطع
- الوو ايوا يا اثامه
اهلا نتعرف بيكي ..
- بثمه من بنــــــــــــــــه
اهلا بيكي يا بسمه ياريت تعلي صوتك شويه
- معلش يا اثامه اثل انا بتكلم من تحت البطنية...
مفهوم طبعا عشان محدش يقفشك و انت بتتكلمي
بثمة بنتكلم النهارده عن الاستهبال في الحب... تقدري تقوليلي يعني ايه الاستهبال في الحب و بيمثل لك ايه
- بص يا اثامه اولا انا بموت موت موت جداطحن في البرنامج بتاعك و والله مش بفوت ولا حلقة منه ابدا خالث
و ثلملي علي الشقي الحكروت موت موت حتومه و قوله انه لذيذ اووووي و بنحبه مووتموووت..
هو بيضحك وفاتح بقه زي الحمار اهوه و بيقولك
ميرسي ليكي يابسمه
- يا اثامه انا بكلمك عشان الحلقة بتاعتك النهارده مخثوث عشاني
انا كنت بحب واحد و انا في 2 ابتدائي و فضلنا نحب بعض للجامعة
- اهـء اهـء اهـء
لا اهدي يا بسمه و قوليلي ايه اللي حصل
- يا اثامه اخد كل حاجة كل حاجة
اححمم
حتى الموبايل
- يا اثامه بقولك كل حاجة
اهـء هـء هـء
طيب اهدي يابسمه
بصي يا بسمه
الحب شعور متبادل بين اتنين
مينفعش طرف واحد من غيرالطرف الاخر و لازم الاتنين يكونوا متفاهمين و متعاونين
هو دا الحب اللي هايدوم طول العمر و بكده نحل كل المشاكل اللي تقابلنا حتى مشكلة غسيل الالوان مع الابيض .. لان تايد
برغوته الجديدة حل المشكله
مستمعينا نسينا نقول ان تايد من رعاةالبرنامج
مع تاااااايد في الغسيل مفيش مستحييل
بشكرك يا بسمه علي اتصالك وبهديلك اغنية السوبر ستار عمرو دياب ....
يا قاعدة علي الترعه و بتغسلي المواعين
جاتك ستين وكسه دا دماغك بقت في الطين

نص ساعة اعلانات ..

انا و البطيخ و قفاك برنامج للحب و عن الحب
مع اوووووسامه سمير
مستمعينا لسه بتكلم عن الحب و لسه بنسأل عن الاستهبال في الحب
مستنين تعليقاتكم علي 6066 او علي 8555022
او علي ايميل البرنامج
علي
قفاك ات نيل راديو بروداكشن دوت كوم برعاية ابليس كومباني و ان تاتش و
كريمات زحلقها و بيبسي وكوكا كولا و تايد و برسيل و اومو و اريال ..

الوقت
بيمر معاكم بسرعةو هشاااااااااام بيضحك مش عارف علي ايه بس تقريبا عشان
البت اللي بتبيع ترمس علي كوبري ابوالعلا حولت له 5 جنية رصيد ..
هاه ؟؟ عشره رصيد
طيب اشطه ياهشااام .. اخوك بقا هاه

نستقبل اتصال تليفوني و نقول الوو
الووو
الووو
الوووووو
الظاهر الخط قطع
الوو ايوا يا اسامه
اهلا نتعرف بيكي
ياريت تعلي صوتك لان الصوت بعيد اوي
_معلش اصل انا بكلمك من الحمام
انا نورهان من القاهرة
اهلا بيكي يا نورهاااااااااااان
سمر بتكلم النهادرة عن الاستهبال في الحب
انت ايه رأيك في الاستهبال عامة و خصوصا في الحب
_اسامة
انا عاوزه اقولك في الاول انت انت احلى و اجمل اعلامي و صوت شفته في حياتي
و انا بسجل كل الحلقات بتاعتك و بحبك اوووي يا اسامه
ربنا يخليكي يا سماح ..
اناكنت بحب واحد نجار مسلح و بعدين كنت في يوم ماشية في الشارع لابسه باضي جديد و ديق موووت و بعدين واحد عاكسني فحبيبي شلحف
مين يا نووووووووورهااااااااااااان ؟؟
_شلحف هو اسمه شيكوووووووووووووو بس انا بدلعه شلحف
قام ضارب الواد اللي عاكسني بالعتله الحديد شاققله دماغه
هو دلوقتي في السجن
و انا بحبه اوي يا اسامه و مش عارفه اعمل ايه
واهلي بيضغطوا عليا مووووت مووووت عشان اتجوز واحد قد ابويا
اسامه انا مش عارفه اعمل ايه
بصي يا سيدة
نورهان
اه سوري
بصي يا نورهااااااااااااان
بنقابل ناس في حياتنا بنحبهم و بيحبونا و ديما كتير بنكون شبهم و زيهم .. حتى الحب نفسه ساعات بيحب انه يتكون على حبيب و حبيبه
و حبيبك بيحبك و ان شاءالله يطلع بالسلامة
بس
تعرفي هو لو كان العتله الحديد مصنوعه من حديد عز اكبرمصنع في الشرق
الاوسط و المصدر الرسمي لحديد الجدار العازل كان حبيبك زمانه مشنوق دلوقتي
لان حديد عز يتميز بالصلابه والقوة و السيخ مظبوط و بالتمام ..
شكرا يا ساره على اتصالك و بهديلك اغنية السوبر ستار محمد فؤاد
يا مسجون في لومانطره
نفسي اكل معاك كوز دره

مستمعينا للاسف الوقت عدى بسرعة معاكم
مستني تعليقاتكم علي 6066 او علي 8555022
او علي ايميل البرنامج
علي قفاك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و برسيل وتايد

انا و البطيخ و قفاك Lol

من طرف ???? السبت مايو 29, 2010 8:38 pm

مش من حقك انك تتريق ع البرنامج ده

من طرف Abdo Alaa السبت مايو 29, 2010 8:46 pm

يعنى انت اللى من حققك تذافع عنه lol llllllllllllllllooooooooooooooooooolllllllllll

انا و البطيخ و قفاك

انا و البطيخ و قفاك

رد: انا و البطيخ و قفاك

رد: انا و البطيخ و قفاك