Smile Group @ F. T. H
أهلا وسهلا بك

فى منتدى اسره smile

Smile Group

the best group @ F.T.H


انضم إلى المنتدى ، فالأمر سريع وسهل

Smile Group @ F. T. H
أهلا وسهلا بك

فى منتدى اسره smile

Smile Group

the best group @ F.T.H
Smile Group @ F. T. H
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

عايش ولا مت

2 مشترك

اذهب الى الأسفل

عايش ولا مت Empty عايش ولا مت

مُساهمة من طرف Abdo Alaa السبت أبريل 03, 2010 9:08 pm

[b]لحظة وداع قمت من النوم فجأة
في عيني نور غريب وقوي جدا
أستغربت النور ده كله جي منين
واندهشت لما لقيت الساعه بتشاور على 3 صباحا
وأن مصباح الغرفة مطفي
طيب النور ده كله جي منين
وانفزعت لما لقيت نص ايدي جو الحيطه
شديتها بسرعه
خرجت
وانا ببصلها بكل اندهاش
رجعتها تانى لقيتها دخلت جوه الحيطه
استغربت ايه اللى بيحصلي ده
وسمعت صوت ضحك
بصيت نحيته
لقيت اخويا نايم جمبي
ولقيته بيحلم
بيحلم انه راكب عربيه اخر موديل
وانه رايح حفلة كبيره قوي
وانه لابس اغلى واشيك لبس
عشان يكون احلى واحد فى الحفلة
وكان بيضحك وفرحان
ابتسمت(بس انا عرفت هو بيحلم بأيه ازاى!!!!!)
بعدين اتفزعت من اللى بيحصل
وقمت من على السرير
وجريت على اودة امي وابي
قعدت اصحى فى امي واطبطب عليها
وانديها بس هى مش بتستجيب
قعدت انديها كتير واطبطب كتير
ولقيتها فجأه قامت
كانت مخضوضه قوي
وبتبص يمين وشمال
قولتلها يا ماما انت مش شيفانى
لقيتها مش بترد
ولا بتبصلي
قعدت انادى
ماما
ماما
كانت حاطة ايدها على قلبها
وبتقول بسم الله الرحمن الرحيم
لقيتها بتطبطب على بابا وبتصحيه
ولما قام
قالت له قوم نطمن على الاولاد
قالها ده وقته
قالتله معلش قلبي مش مطمن
في حاجه غريبه
وانا واقف مستغرب
قعدت اقولها يا ماما
انا اهو يا ماما
انت مش شيفانى
ياماما
قامت ومشيت
حاولت امسك هدومها لكن الهدوم مش بتتمسك
جريت وقفت قدمها
عدت من جوايا
ملقتش غير انى امشي وراها
وبابا كان وريا
محاولتش ابصله
شان ما يتجاهلنيش برده
ودخلت امى الاوده وفتحت النور
مكنش عندى
فرق لأن الدنيا كانت منورة اصلا
انفزعت لما لقيتنى نايم على السرير
وقعدت ابص لجسمى وايدى وانا مستغرب
انا ازاي بقيت اتنين
انا مين
ومين اللى نايم على السرير ده ان مكنش انا
وقطع استغرابي
جملة بابا "استريحتى يا ستى اهم نايمين اهو "
لكن هي قالتله معلش
انا عاوزه أطمن على محمد
ولقيتهى بتقرب مني
قصدى من الشخص اللى نايم مكانى
وبتطبطب عليه
كانت بتقوله يامحمد
لكن هو مش بيرد
وكانت بتطبط بشويش
وبدأت تهزه جامد
جريت عليها
وقلتلها يا ماما انا اهو
رودي عليا
لكن صوتها كان بيزيد خوف وكان بيعلى
كانت بتنادي
محمد
محمد
وفجأة صرخت ولقيت الصرخة بتوجعنى قوي
كانها بتضربنى
بكيت
وقلتلها ما تصرخيش
وهى بتقول محمد
وبابا جري علي وحط ايده على وشى وصرخ وبكى
وحسيت بالوجع تانى
محمد مش بيرد
والبكاء بيزيد وانا مش عارف اعمل ايه
صحي اخويا على الصوت وهو بيسال في ايه
ماما صرخت
اخوك مات يا احمد
مات
وانا بقولها ببكائي لأ والله
ياماما
انا أهوه شوفيني شوفينى
انت مش سمعاني
لكن ما فيش امل
بصيت للسما وقلت يارب ايه اللى بيحصل ده
لكن ما لقتش سقف
وشفت ناس
ولما شوفتهم
مشيوا
وحسيت بطعنه غريبه
وحجات بتقطعنى بصيت لأحمد لقيته بيصرخ
قلتله اسكت انت بتعذبني
لكنه كان بيزيد فى الصراخ
وماما بتبكي فى حضن بابا
والنحيب بيزيد
وقفت قدمهم عاجز
ومزهول
رفعت راسي تانى
وقلت يارب
ايه اللى بيحصل يارب
فى ايه
وسمعت صوت من كل حته
كان جي من بعيد
ركزت معاه
لقيته بيعلا
وبيزيد
كأنه قرآن
أيوا قرآن
والصوت بدأ يقوى
يقوى قوي
هزنى من شدته
كان بيقول
" لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ
فَبَصَرُكَ الْيَوْمَ حَدِيدٌ "
صدق الله العظيم
وفى ذهول الصوت
لقيت ايدين بتطبق عليا
اتنين شكلهم مش من البشر
بيقوليلى تعالى
قلتهم انتم مين
وعاوزين منى ايه
شدونى
صرخت
سيبونى
ما تخدونيش من اهلى
اهلى فكرنى مت
قالولى ما انت مت فعلا
قلتلهم ازاي
ا انا شايف اهو وبتكلم وحاسس بكل حاجه
ابتسموا وقالوا
عجيب امركم يا بشر كلكم فاكرين ان الموت نهايه الحياة
وما تعرفوش ان حياتكم موت
وحلم طويل هتصحو منه على اليوم ده
على العالم ده
سألتهم انا فين وانتو واخدنى على فين
قالولي احنا حراسك لحد القبر
اتفزعت
قبر ايه
انتوا هتدخلونى القبر
ردو
كل انسان لازم يدخل القبر
" كُلُّ مَنْ عَلَيْهَا فَانٍ <> وَيَبْقَى وَجْهُ رَبِّكَ ذُو الْجَلَالِ وَالْإِكْرَامِ "
صدق الله العظيم
بس انا عمرى ما دخلت القبر
ده مكتوب على كل البشر
طول عمرى كنت بكره الكلمه دي
مبحبش اسمعها بستعيذ بالله منها بحاول انسها
مكنتش بقدر اتخيل نفسي فى المكان الصعب ده
سألتهم بخوفي
هتسيبونى
قالولي مع عملك
" كُلُّ نَفْسٍ بِمَا كَسَبَتْ رَهِينَةٌ "
صدق الله العظيم
طيب وعملى ده كويس
سكتم
" لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ "
صدق الله العظيم
ولقيت واحد بيصرخ وبيبكي وواحد تانى سعيد قوي
وكل واحد فيهم واقف معاه اتنين بردة زى اللى معايا
سألتهم ده بيبكى ليه ؟
قالوا ده عارف مصيره
طول عمرة كان من اهل الضلال
يعنى رايح النار
واللي بيضحك ده رايح الجنه
طيب انا
رايح على فين
قولولي
ردوا عليا
" الْيَوْمَ تُجْزَى كُلُّ نَفْسٍ بِمَا كَسَبَتْ لَا ظُلْمَ الْيَوْمَ إِنَّ اللَّهَ سَرِيعُ الْحِسَابِ "
صدق الله العظيم
هما كانو عارفين هما ايه فى الدنيا
ودلوقتى عارفين هما فين فى الاخره
وانت عشت طول عمرك
تايه
متردد
شويه تمشي صح وشويه تمشي غلط
شويه تتوب وترجع تعصي تاني
ما كنتش واضح
هتفضل بردة انهاردة تايه مش عارف حاجه
اتفزعت وقلت
ايه
يعنى ايه
انا رايح النار
قالولى رحمة ربنا واسعه
"
قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا
تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ
جَمِيعًا إِنَّهُ هُوَ الْغَفُورُ الرَّحِيمُ "
صدق الله العظيم
ولسة الرحلة طويلة
بصيت وريا لقيت عمي
وابويا واخويا
ماشين وراهم امي واهلي
بيبكوا
شايلين صندوق
جريت عليهم
ناديت
محدش بيرد
ناديت على امى
قلتلها يا امى ما تبكيش
ادعيلى
ناديت على بابا
قلته يا بابا
خلى بالك من امى واخويا
ناديت على احمد
قلتله يا احمد خلى بالك من نفسك سيبك من الدنيا ومتاعها
دي رخيصة قوي
صدقنى مش هتنفعك
ناديتهم كلهم
بس كانو مشغولين بالبكاء
ومحدش سامعنى
مكنتش بتمنى حاجه فى اللحظة دي
الا انهم يسمعونى
وشدنى
الملكين
ونزلونى القبر
ونيمونى فوق الجسد
عشان اشوف ابويا وهو بيرمى التراب عليا بنفسه
علشان اشوفهم وهما بيودعونى
"
وَلَقَدْ جِئْتُمُونَا فُرَادَى كَمَا خَلَقْنَاكُمْ أَوَّلَ مَرَّةٍ
وَتَرَكْتُم مَّا خَوَّلْنَاكُمْ وَرَاء ظُهُورِكُمْ وَمَا نَرَى مَعَكُمْ
شُفَعَاءكُمُ الَّذِينَ زَعَمْتُمْ أَنَّهُمْ فِيكُمْ شُرَكَاء لَقَد
تَّقَطَّعَ بَيْنَكُمْ وَضَلَّ عَنكُم مَّا كُنتُمْ تَزْعُمُونَ "صدق الله
العظيم
وخوفى عليهم
انهم مش حاسين باللى انا حاسه
وحسدى ليهم انهم لسة فى الدنيا
بس للأسف
كنت ببكى وهما بيبكوا
كنت خايف عليهم من الدنيا قوى
واتمنى لو اصرخ ولو يسمعونى
وخرجم كلهم
وقفلوا الباب
والنور تحول سواد
اعمل للدنيا بقدر بقائك فيها
واعمل للآخرة بقدر بقائك فيها
واعمل لله بقدر حاجتك اليه
واعمل من المعاصي بقدر ما تطيق من العقوبة
ولا تسأل الا من لا يحتاج الى أحد
واذا أردت أن تعصي الله ..فاعصه..في مكان لا يراك فيه



هذة القصة منقوله مع اضافه الايات القرأنيه
ارجو ان يحسن الله خاتمتنا جميعا وان يرزقنا نعيم جنته
و احب اختم بقول الله تعالى
" وَاتَّقُواْ يَوْمًا تُرْجَعُونَ فِيهِ إِلَى اللّهِ ثُمَّ تُوَفَّى كُلُّ نَفْسٍ مَّا كَسَبَتْ وَهُمْ لاَ يُظْلَمُونَ "
صدق الله اعظيم
[/b]
Abdo Alaa
Abdo Alaa
سمايلاوى كبير
سمايلاوى كبير

عدد المساهمات : 83
نقاط : 119
تاريخ التسجيل : 02/02/2010
العمر : 31

الرجوع الى أعلى الصفحة اذهب الى الأسفل

عايش ولا مت Empty رد: عايش ولا مت

مُساهمة من طرف ???? السبت أبريل 03, 2010 9:47 pm

حلوه اوي يا عبده اللهم اجعل لنا حسن الخاتمة

????
زائر


الرجوع الى أعلى الصفحة اذهب الى الأسفل

عايش ولا مت Empty رد: عايش ولا مت

مُساهمة من طرف ???? السبت أبريل 03, 2010 9:58 pm

اللهم ارحمنا من عذاب القبر وعذاب جهنم
اللهم وفقنا لما تحب وترضى
اللهم اجعل قبورنا روضة من رياض الجنة ولا تجعلها حفرة من حفر النار
يااااااااااااارب سامحني واغفرلي كل ذنوبي

????
زائر


الرجوع الى أعلى الصفحة اذهب الى الأسفل

عايش ولا مت Empty رد: عايش ولا مت

مُساهمة من طرف ???? السبت أبريل 03, 2010 10:13 pm

لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ
فَبَصَرُكَ الْيَوْمَ حَدِيدٌ

????
زائر


الرجوع الى أعلى الصفحة اذهب الى الأسفل

عايش ولا مت Empty رد: عايش ولا مت

مُساهمة من طرف yasmin hafez السبت أبريل 03, 2010 10:49 pm

حلوة اوى القصة بجد ياعبده ربنا يحسن ختامنا جميعا ان شاء الله
yasmin hafez
yasmin hafez
الأخت الكبرى
الأخت الكبرى

عدد المساهمات : 109
نقاط : 191
تاريخ التسجيل : 28/01/2010
العمر : 32
الموقع : زعيمة التشرد الدولي

https://smilawya.hooxs.com

الرجوع الى أعلى الصفحة اذهب الى الأسفل

عايش ولا مت Empty رد: عايش ولا مت

مُساهمة من طرف Abdo Alaa الأحد أبريل 04, 2010 12:55 am

ameen ya rab
Abdo Alaa
Abdo Alaa
سمايلاوى كبير
سمايلاوى كبير

عدد المساهمات : 83
نقاط : 119
تاريخ التسجيل : 02/02/2010
العمر : 31

الرجوع الى أعلى الصفحة اذهب الى الأسفل

عايش ولا مت Empty رد: عايش ولا مت

مُساهمة من طرف ???? الأحد أبريل 04, 2010 1:07 am

بسم الله الرحمن الرحيم ( يوم نقول لجهنم هل امتلأتي فتقول هل من مزيد)
يارب ارحمنا

????
زائر


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى